PARABEENS

Parabeens mak liafuan ida atu fo ksolok ka hamahan ba ema ka buat ruma tan progresu ruma.

Dalaruma progresu ne’e bele buat kiik-oan ka buat boot ida. Dalaruma progresu ne’e bele kona-ba buat ne’ebé foin hahú, la’o hela ka la’o tiha ona.
Maski nune’e progresu ba ema ida la sempre siginifikante ka folin ba ema seluk. Maibe ne’e depende ida-idak nia hare’e no sinti.

Ikus mai, dalaruma liafuan parabeens sai fali klisé ida katak liafuan ne’e sai kmaan tan ita uza nia bebeik ba buat ne’ebé kaman ka la folin. Maibe atu hare’e no sinti katak buat ida folin ka la folin fila fali ba ida-idak.

Ba ha’u, liafuan ‘parabeens’ ne’e osan mean. Tan ne’e, ha’u hakarak rai didiak ha’u nia osan mean ne’e no sei fo de’it ba ema ka buat ruma ne’ebé merese wainhira ha’u bele hare’e no sinti katak buat ne’ebé nia halo ne’e a iha duni folin atu ha’u fo ha’u-nia osan-mean no folin ne’e la’os de’it mai ha’u maibé mos ba ema hotu maski kiikoan ka boot.

-Pássabe, Oecusse
14/6/2018